இமாம் ஷாபிஈ (ரஹிமஹுல்லாஹ்) அவர்களுடன் சங்கமித்துபோனேன்

நான் இமாம் ஷாபிஈ (ரஹிமஹுல்லாஹ்) அவர்களுக்குள் நுழைந்தவன். அவர்களின் சொற்களில் சொக்கிப்போனவன். அன்னாரின் கருத்துக்களில் கரைந்துபோனவன். அவர்களது ஆய்வுகளில் தொலைந்துபோனவன். அன்னாரது சிந்தனைகளில் திளைத்துப்போனவன். அவர்களின் இலக்கியத்தில் சிக்குண்டுபோனவன். அவர்களின் கவிதைகளில் கட்டுண்டுபோனவன். அன்னாரின் அறிவில் அமிழ்ந்துபோனவன். அன்னாரது ஆற்றலில் திகைத்துப்போனவன். அவர்களது பல்துறை பாண்டித்தியத்தில் மலைத்துப்போனவன். அவர்களின் பன்முக ஆளுமையில் ஆழ்ந்துபோனவன். அன்னாரின் விவாதத்தில் புதைந்துபோனவன். அன்னாரின் தைரியத்தில் பிரமித்துப்போனவன். மொத்தத்தில் இமாம் அவர்களுடன் சங்கமித்துப்போனவன்.

இது (دع الأيام تفعل ما تشاء) இமாம் அவர்களின் ஓர் அற்புதமான, அருமையான கவிதை. நான் ஜாமிஅஹ் ரஹ்மானிய்யாவில் பயிலுகிற காலத்தில் அழகாக என் கைப்பட எழுதி என் படுக்கையின் தலைமாட்டில் தொங்கைவைத்து தினசரி காலை வேளையில் ரசித்து, ருசித்து படித்து சுவைத்த கவிதை. இன்று அக்கவிதையை இணையப் பக்கமொன்றில் கண்டேன். பகிர்ந்துகொள்ள வேண்டும் போலிருந்தது. பகிர்ந்துகொண்டேன்.

அபூ அவ்வாப் ஹனிபா அப்துல் நாஸர்
2017.10.15
1439.01.24