குதிரை மலை

குதிரை மலை – 01

குதிரை மலையில் விஜயன் வந்திறங்கிய இடமும் அவ்விடத்திலுள்ள ஒரு கப்ரும்.

2012.06.27 அன்று நானும் சில சகோதரர்களும் குதிரை மலைக்கு சென்ற வேளை எடுத்த படங்கள்.

எச். அப்துல் நாஸர்
2018.04.01

குதிரை மலை – 02

குதிரை மலை நீண்ட வரலாறு கொண்டது. குதிரை மலைப் பிரதேசத்தில் எட்டாம் நூற்றாண்டு முதல் முஸ்லிம்கள் வாழ்ந்ததாக வரலாறு உண்டு. பார்க்க: Gazetteer of the Puttalam District

குதிரை மலை கடற்கரையிலுள்ள கப்ரில் அடங்கப்பட்டிருக்கும் பெரியார் வாவாப் பிள்ளை ஒலி (வலி) என கூறப்படுகின்றது. கரைத்தீவு அந்தகப் புலவர் வரகவி செய்கு அலாவுத்தீன் அவர்களின் பாடலொன்றில் இதனைக் காணலாம்.

தாயகமாகிய பூக் குளம் தோணுது
சார்ந்து நடக்கயில் மயில் வில் விளங்குது
தீயவனக்கல் மலைகள் இலங்குது
சுதந்தர வாவாப் பிள்ளை ஒலி தர்ஹா
மாடப் புறா மயில் வண்ணக் குயில்களுமே
மர மீதிலிருந்து மங்கள மாய்க் கூவும்
ஓசை முழங்கிடுமே

பார்க்க: கலாநிதி எம்.எஸ்.எம். அனஸ், புத்தளம் முஸ்லிம்கள் வரலாறும் வாழ்வியலும்

குதிரை மலை வரலாறு பற்றி விபரமாக அறிய பின்வரும் நூல்களைப் படிக்கலாம்:

01. Gazetteer of the Puttalam District 02. கலாநிதி எம்.எஸ்.எம். அனஸ், புத்தளம் முஸ்லிம்கள் வரலாறும் வாழ்வியலும் 03. அல்ஹாஜ் ஏ.என்.எம். ஷாஜஹான், புத்தளம் வரலாறும் மரபுகளும்

குதிரை மலைக்கு இரண்டு தடவைகள் போய் வந்துள்ளேன். முதல் விஜயம் 2012.06.27. இரண்டாம் விஜயம் 2013.12.30. இரண்டு தடவைகளிலும் குறித்த கப்ரை படம் பிடித்தேன். எடுத்த படங்கள் பதிவேற்றப்பட்டுள்ளன. முதல் விஜயத்தின்போது கப்ரில் பொறிக்கப்பட்டிருந்த திகதியில் நாளையும் மாதத்தையும் வைத்துவிட்டு ஆண்டை வாசிக்க முடியாதவாறு சேதப்படுத்தப்பட்டிருந்தது. இரண்டாம் விஜயத்தின்போது திகதி பொறிக்கப்பட்டிருந்த பகுதியே முற்றாக உடைத்து சேதப்படுத்தப்பட்டிருந்தது.

எச். அப்துல் நாஸர்
2018.04.03